“Баянгол цэцэрлэгт хүрээлэн” ОНӨТҮГ-ын 50 га талбайд 21 төрөл зүйлийн мод, бут, сөөгийг мэргэжлийн ойн инженер, ногоон байгууламжийн мэргэжилтнүүд стандартын дагуу тарьж ургуулан, усалгаа арчилгааг тогтмол хийн ажилладаг.

Мөн ААН, албан байгууллага, иргэдэд мод үржүүлэг, мод бут сөөг тарих арга технологи, нэг наст болон олон наст цэцгүүдийг тарьж ургуулах, арчлах ногоон байгууламжийн төлөвлөлт гэх мэт онол практик хосолсон сургалт семинарыг зохион байгуулан тасралтгүй явуулдаг.

Монгол улсын цаг уур, хөрсний бүтэц уур амьсгалд тохирсон мод бут сөөгийг нутагшуулж ургуулахаар байгууллагын 3,5 га талбайд мод үржүүлгийн ажлыг жил бүр үе шаттайгаар нэмэгдүүлэн ажиллаж байна

Манай байгууллага нь Баянгол дүүргийн хэмжээнд ногоон байгууламжийг нэмэгдүүлэх судалгаа шинжилгээг 34 хорооны 2949 га талбайд 5 чиглэлээр /нийтийн эзэмшлийн зам талбай, ерөнхий боловсролын сургууль цэцэрлэг, гэр хороолол, байшин хороолол/ судалж мод бут сөөг тарих, зүлэгжүүлэх, мод хэлбэржүүлэх ажлыг мэргэжлийн өндөр түвшинд хийж гүйцэтгэн, дүүргийн  ногоон байгууламжийг нэмэгдүүлэн ажиллаж байна.