“Bayangol цэцэрлэгт хүрээлэн” ОНӨТҮГ нь Баянгол Дүүргийн Иргэдийн Төлөөлөгчдийн Хурлын Тэргүүлэгчдийн 2014 оны 03 дугаар сарын 19-ний өдрийн 17 дугаар тогтоолоор “Баянгол Агропарк” нэртэйгээр анх байгуулагдсан.

2021 оны 12 дугаар сарын 14-ний өдрийн Баянгол Дүүргийн Иргэдийн Төлөөлөгчдийн Хурлын Тэргүүлэгчдийн 40 дугаар тогтоолоор нэр нь д өөрчлөлт оруулан “Баянгол цэцэрлэгт хүрээлэн” ОНӨТҮГ болж орон тоог нэмэгдүүлэн, үйл ажиллагаагаа өргөжүүлэн батлагдсан.

Бүтэц зохион байгуулалтын хувьд Захиргаа хүний нөөцийн алба, Маркетинг төлөвлөлт олон нийттэй харилцах алба, Ногоон байгууламж тохижилтын алба гэсэн үндсэн гурван албаны бүрэлдэхүүнтэйгээр чадварлаг, дадлага туршлагатай баг хамт олныг бүрдүүлэн ажиллаж байна. Манай баг хамт олон нь Нийслэлийн  спорт, соёл амралтын хоёрдох том Цэцэрлэгт хүрээлэн болохоор төлөвлөн, үйл ажиллагаагаа явуулж байна.

Бидний эрхэм зорилго: 

Улаанбаатар хотын агаарын бохирдлыг бууруулах, цэнгэг усны нөөцийг хамгаалах, ногоон байгууламжийг нэмэгдүүлэх, иргэдэд экологийн боловсрол олгож эрүүл, аюулгүй, иргэддээ ээлтэй хотыг бий болгох юм. Мөн туул голын сав дагуу 50га талбайд иргэдийг чөлөөт цагаа зөв боловсон ая тухтай өнгөрүүлэх, эрүүл тохилог орчинд амарч зугаалах орчин нөхцөлийг бүрдүүлэхээр зорьж байна.  

Үндсэн чиг үүргийн хүрээнд:

• Иргэдийн амралт, чөлөөт цагаа өнгөрөөх тохилог, эрүүл, таатай орчин бүрдүүлэх
• Практик /дадлага/-т суурилсан Экологийн боловсролыг сургууль, цэцэрлэгийн сурагч, иргэдэд олгох
• Хүнсний ногоо болон хүлэмжийн аж ахуй эрхлэх
• Монгол орны цаг уур, орчин нөхцөлд таарсан мод, бут, сөөг, зүлэг тариалах гэсэн 4 чиг үүргийг хэрэгжүүлэн ажиллаж байна.