Ирээдүй хойч үедээ үлдээх эрүүл ногоон орчинг хамтдаа бүтээцгээе

Дэлхий нийтийн өмнө тулгамдаж буй Уур амьсгалын өөрчлөлт, ган гачиг, цөлжилт, экологийн тэнцвэрт байдал алдагдсан нь байгаль дэлхийтэйгээ зүй бусаар харьцсантай шууд холбоотой. Экологийн тэнцвэрт байдлыг хадгалах гол хүчин зүйл нь Мод тарих, ойжуулах ажлыг эрчимтэй хийх юм. Ой мод гэдэг нь олон төрлийн амьтан, ургамал, мод бут сөөгний нэгдлийг хэлнэ.

Бид яагаад мод тарих ёстой вэ?

Мод нь нүүрсхүчлийн хийг шингээж хүчилтөрөгчийг үйлдвэрлэж бидний амьсгалж буй цэвэр агаарыг бий болгодог. Нэг мод 500литр усыг барьж хөрсний чийгийг тэнцвэржүүлж, дуу чимээний 25 хүртэлх хувийг бууруулж, тоос шороог 75 хувь, утаа тортгийг 35 хүртэл хувийг өөртөө шингээж, хэт халалт болон хөрөлтийг 2-3 хэмээр бууруулдаг ба хүний сэтгэл санааг тайвшруулж, тархийг амрааж, оюун санааны эрч хүч өгч, дурсамжид эерэг нөлөө үзүүлж байдгаараа асар их ач тустай юм. 

Хэрхэн мод тарих вэ? 

Мод тарихад мэргэжлийн байгууллага болон Ойн инженер, Ойжуулагч мэргэжилтнүүдээс арга зүйн зөвлөгөө авч тарих нь таний тарьсан мод эрсдэлгүй ургахад тусална.